ابراهيم القصاص يكشف ما فعله سامي الفهري في "دليلك ملك"

26 فبراير 2018 - 11:51 دقيقة

قال النائب بالمجلس التأسيسي ابراهيم القصاص، أن مُقدم برنامج "دليلك ملك" سامي الفهري استعمله لإضفاء "الشو" على البرنامج وتعمد خسارته في اللعبة.

وأكّد ابراهيم القصاص، في تدوينة على صفحته الخاصة "الفايسبوك"، أنّ ما فعله الفهري صدمه وتسبّب في خيبة أمل لأنّه كان من المدافعين عليه عندما كان الفهري في السجن وخاض انذاك اضرابا عاما وحشيا".

وأضاف"الرجلة والشهامة عندها ناسها"، والناس الي شامتة ربي يشفيهم من مرضهم. طول عمري عايش مع الفقر يعني اني واياه اصحاب".

وهذا ما جاء في نص التدوينة:

"بالحرام لا عاد فاهم شيء من هالعباد. اكثر من عشرين واحد باعثيلي ع الخالص يعبروا عل شماتتهم فيا على خاطر ما ربحتش في لعبة دليلك ملك. ياخي أني وقت الي مشيت غادي هزيت معايا حاجة والا وقت الي خسرت خليت ايد والا رجل في الستوديو.

هي لعبة ولعبتها ما زهرتش معايا في لمان. بالكم نهاية العالم...هو لا محالة الفهري وصاحبه حبوا يخسروني وتوة تتفرجوا عالحلقة.. عرف كيفاش يخدم بيا ويعمل الشو للبرنامج انتاعه.صحة ليه.

اني ديما نبقى على نياتي ومستك..الي واجعني بالحق انو في يوم من الايام دافعت عليه في التاسيسي وموش هكة بركة تعاركت مع وزير العدل ساعتها البحيري على خاطره وزرت الفهري في الحبس وخرجته من المرناقية وهو عامل إضراب وحشي وجاته سيارة الإسعاف الي هزاته لشارل نيكول تحت اشرافي. وهذا الكل على خاطر اخته ورتني حكم براءة صادر عن القضاء التونسي وهو شخصيا يعرف كل شيء...

الرجلة والشهامة عندها ناسها يا فهري.والناس الي شامتة هاوينه بلوكيتهم وربي يشفيهم من مرضهم. طول عمري عايش مع الفقر يعني اني واياه اصحاب .كان جات فلوس مرحبا وكان ما حبتش عنها ما جات واكهو..".

إقرأ المزيد من المقالات في: